Xog-hayaha guud ee Qaramada Midoobay Ban Ki-moon ayaa soo dhoweeyay doorashada madaxweynaha cusub ee Soomaaliya, oo aheyd tallaabadii ugu dambeysay ee lagu soo dhammeystirayay marxaladda kala guurka.
Ban Ki-moon wuxuu hambalyo u diray baarlamaanka cusub ee federaalka iyo guddoomiyihiisa sida fiicneyd ee ay u soo afjareen hannaanka.
Xog-hayaha guud wuxuu ku borriyey madaxweynaha cusub inuu soo magacaabo xukuumad mas’uuliyad qaadi karta oo loo dhan yahay, taasoo billaabi karta ka shaqeynta dib u dhiska dalka.
Wuxuu ammaanay saxiixayaasha tubta roadmap-ka oo qeyb ka qaatay afmeeridda marxaladda kala guurka.
Wuxuu kaloo soo hadal qaaday kulan Golaha Ammaanka uu yeelan doono dabayaaqada bishan oo looga hadlayo arrimaha Soomaaliya, oo uu sheegay inuu fursad u noqon karo madaxda cusub ee Soomaaliya inay sii xoojiyaan xiriirka ay la leeyihiin beesha caalamka.
Daafeet.Com