Wasiiradda Arrimaha Dibada ee Dowlada Kenya Aamina Maxamed ayaa maanta xafiiskeeda ku kula kulantey Safiirka cusub ee Soomaaliya u magacawday dalka Kenya Amb. Jamaal Maxamed Xasan.
Danjire Jamaal Maxamed Xasan ayaa waxaa la filayaa in maalmaha soo socda uu waraaqihiisa aqoonsi ee danjirnimo u gudbiyo Madaxweynaha Kenya Uhur Kenyatta iyadoo Safiirka laga sugayo inuu xoojiyo xiriirka labada dal.
Wasiirka Arrimaha Dibada ee Dowlada Kenya iyo Danjiraha cusub ee Soomaaliya u jooga Kenya ayaa ka wada hadlay arrimo badan oo ay ka mid yihiin xiriirka labada dal, iyadoo danjiraha uu u gudbiyay Safiirka warqada magacaabistiisa.
Dowladda Kenya ayaa dhawaan aqbashay magacaabista Safiirka cusub ee dowladda Soomaaliya u magacawday Kenya, kaasoo bedelay Safiirkii hore ee Soomaaliya Amb. Maxamed Cali Ameerika.